Diadomingo madruga a drenta informe di un accidente cu hende herida riba Sasakiweg na altura di Superfood, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di e mini pick-up aki a perde control, baha caminda, ranca kibra palo di lus y bay bolter te tira e chauffeur afo bente den mata di hubada. E chauffeur tabata keha di hopi dolor, na yegada di e ambulans nan a atende e chauffeur y a transporte pa hospital. Elmar tambe a ser dirigi na e sitio pa drecha e palo di lus y move e wayanan cu a keda colga.