Diasabra madruga a drenta informe di cu tironan a cay banda di un nightclub na Noord, mesora a dirigi patruyanan na e sitio y a sera e area. Varios unidad policial a acudi na e sitio. Informacionnan cu a logra haya sa na e sitio ta cu aki ta trata di un Honda Accord preto cu lo a pasa y los e tironan. Polis a sera e area y a bin logra haya hulsnan. A solicita presencia di e investigadornan technico y forensico pa sigui cu e investigacion.
