Partido MEP: Pa Partido MAS ‘walk the talk’ no ta conta ora ta trata integridad MIENTRAS LOPEZ-TROMP A BISA E TA BRINGA CORUPCION, EL A VOTA CONTRA LEY DI INICIATIVA DI INTEGRIDAD

Un frase hopi conoci cu a wordo uza hopi durante tratamentodi Presupuesto 2022 den Parlamento siman pasa ta ‘Walk the Talk’. Opositornan a uza e frase aki manera ta nan ta e gran inventornan di e dicho aki apuntando un dede riba Gobiernomientras cu nan ta apunta tres dede riba nan mes. Pero momento cu nan haya e oportunidad pa pone nan palabrananden accion, ‘walk the talk’, nan a demostra berdaderamente e caminda cu semper nan a cana manera spiritu ta busca ken nan por spanta.

Durante tratamento di presupuesto, Fraccion di MEP, sostenidoor di Parlamentarionan di RAIZ, a presenta un mocion hopiimportante cu e speransa cu esaki lo haya aprobacionunanimente di Parlamento mirando cu ta trata integridad y tambe pasobra e reunion aki a wordo pasa live riba diferentemedionan social y canal 46 di television. Un tema cu a wordomenciona durante henter e tratamento di Presupuesto 2022. Sinembargo, oposicion, dilanti miles di siguidornan di e reunion, a vota contra e mocion aki mustrando cu di berdadnan no ta ‘walk the talk’ manera nan kier pone pueblo kere.

MOCION MEP-RAIZ

E mocion cu Fraccion di MEP a presenta, sosteni door di Fraccion di RAIZ, ta pa Parlamento concipia un ley di iniciativa cu lo percura pa salbaguardia e imagen di Parlamento pa asina ningun politico corupto of sospecha di corupcion por bira parlamentario. Un ley cu base amplio di integridad.

MAS A VOTA CONTRA

Lamentablemente, e mocion aki no a haya aprobacion di e banda cu aparentemente ta sostene corupcion den Parlamento. Te hasta e ‘ghostbuster’ di Parlamento, Marisol Lopez-Tromp y su colega di partido Aquanette Gunn a vota contra e ley di integridad aki. Ta cu ki cara Parlamentario Lopez-Tromp lo papia di busca spirito awo? Cu ki cara e lo bay papia di integridad despues cu el a haya e oportunidad pa mustra cu e ta ‘walk the talk’, a vota contra e ley di iniciativa aki.

Lopez-Tromp desde cu a wordo kita di ta minister pa Gabinete Wever-Croes I, a acusa Gobierno di corupcion sin cu el a presenta un prueba. El a tuma e tempo pa ‘talk’ sin ‘walk’. El a papia su alma voorbij pero nunca a mustra cu accion loke e tawata papia. Pasobra tur e spiritonan cu el a bisa cu el aencontra, a resulta di ta esnan yega na dje mes. Awo cu di berdad e por a mustra na ki banda e ta para y bringacorupcion, el a brasa e persona corupto cu mas a pone Aruba su cara na berguensa.

Partido MEP, ta felicita Fraccion di MEP y Fraccion di RAIZ den Parlamento cu e ley di iniciativa aki. Cu e ley aki, politiconan cu ta sospechoso di actonan penal, no por por biraParlamentario mas manera awo ta e caso di ParlamentarioBenny Sevinger. E mocion a wordo aproba cu mayoria den Parlamento y pronto esaki lo ta ancra den ley y nunca mas Aruba su cara lo wordo poni na berguensa ni local niinternacional pa motibo di politiconan manera Benny Sevinger y Marisol Lopez-Tromp y Partido MAS cu ta brasacorupcion duro.