Combat Life Savers (CLS’ers) tin un rol crucial den e cadena medico di Defensa. E empleado di CLS ta e prome eslabon di e cadena medico den e Defensa. Como resultado, e persona CLS tin e importante tarea di trata su compañero lesiona, stabilisanan y preparanan pa ricibi atencion medico especialisa lo mas rapido posibel. Un equipo di instruccion internacional di Advanced Forces Group a organisa un siman di especialisacion medico pa e miembronan di e CLS di e Marine Squadron Carib na Aruba.

Tur esakinan a ser haci a base di e ultimo desaroyonan den e campo di tratamento di lesionnan multiple (victimanan masivo) y cuidadoman extendi (cuidadonan fi campo prolonga). Ademas di e teoria necesario, a pone enfasis den entrenar den scenarionan realistico unda e participantenan mester a traha duro fisicamente y mentalmente.