Diamars mainta a drenta informe di cu tin un situacion cu Elmar na Pasteurstraat, mesora a dirigi un patruya na e sitio. Na yegada di e patruya a bin compronde cu aki ta trata di un caso unda un doño di cas no ta laga Elmar cambia e meter di coriente di su cas. Polis mester a splica e doño di cas cu e meter ta propiedad di Elmar y Elmar tin e derecho di cambia esaki. Despues di e intermediacion policial e doño maske no tabata di acuerdo a laga Elmar cambia e meter.