Diadomingo atardi a drenta informe di un pelea andando na Santo Largo, mesora a dirigi patruyanan na e sitio. Na yegada di e patruya a bin compronde cu e pelea lo a caba pero un hende herida a keda atras eynan. E victima herida a declara cu ela ser agredi pa 4 persona y nan tur a drenta auto y a bay. Ela duna descripcion di e auto cu e number pa asina polis por logra localisa e auto. Mientras a solicita ambulans pa e victima. Polisnan a localisa e auto na Pos Chikito y a logra detene un di e agresornan. Ambulans a presenta na Santo Largo pa atende cu e victima.
