Diabierna atardi a drenta informe di un accidente cu hende herida banda di Yami Yami na Bubali. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente frontal pa falta di preferencia. Aki un Nissan Skyline a bira dilanti di un Nissan Frontier bayendo pariba y a causa e accidente. Na yegada di e ambulans nan a atende cu e victima y a transport’e pa hospital. Polis mester a sera caminda for di banda di Shaba, Bubali y Washington pa asina desvia e trafico na e crusada eynan.
