Carta manda pa departamentonan referente maneho di administracion publico na fin di aña ta un practica normal den tur gobernacion

ORANJESTAD –Tin un un carta di Minister di Finansa dirigi na tur departamento di Gobierno ta circula rond den publico. Pa evita mal comprondemento, ta bon pa brinda e siguienteinformacion, Minister di Finansa y Cultura Xiomara Maduro ta trece dilanti cu tur aña medio oktober, Minister di Finansa ta manda un carta pa avisa e departamentonan cu ta bay sera e administracion pa e aña coriente y pa esaki ta duna un fecha tecual por haci obligacion financiero nobo pa Pais Aruba. Banda di esaki sa pidi e departamentonan tambe pa indica cual ta e inversionnan cu ainda lo wordo haci den e aña corespondientepa asina e suma aki keda reserva. Esaki ta un practica normal den tur gobernacion y ta wordo haci pa evita cu ta surpasa e sumanan acorda pa Parlamento di Aruba den Presupuesto di PaisAruba. Minister Maduro ta acentua cu desde aña 2018 Gobiernoa keda den e margen di gastonan presupuesta y aproba pa Parlamento di Aruba y no mester a bay fin di aña pa pidi mas placa na Parlamento. Minister di Finansa Xiomara Maduro sumaneho desde un principio ta uno sostenibel, efectivo y transparente na publico en general. Cu e informacion aki e mandatario encarga cu finansa publico ta sigui duna contenidona su maneho financiero y ta spera di a aclarea e situacion y evita cualkier mal comprendemento.

Share:

Leave a Reply

Your email address will not be published.