Accidente cu hende herida pa falta di preferencia na crusada Emmastraat cu Venezuelastraat.

Diahuebs merdia a drenta informe di un accidente cu hende herida na e crusada di Emmastraat cu Venezuelastraat. Mesora a dirigi tanto polis como ambulans na e sitio. Na yegada di patruya a bin compronde cu aki ta trata di un accidente pa falta di preferencia. E chauffeur di un Nissan March bayendo pabao den Venezuelastraat a cruza sin duna preferencia na un Mitsubishi Lancer bayendo zuid y nan a accidenta. Impacto tabata fuerte unda e Mitsubishi Lancer a bira 45 grade y e Nissan March a bai dal den un cura di cas. Na yegada di e ambulans nan a atende cu esnan cu a resulta herida. Ambulans a atende e chauffeur di Nissan March na sitio mes y e pasahero di e Mitsubishi Lancer nan a transport’e pa hospital.

Share:

Leave a Reply

Your email address will not be published.