2 Motociclista a dal den otro debi na mal maniobra riba Caya Punta Brabo

Diadomingo atardi a drenta informe di un accidente cu hende herida riba e cruzada Caya Punta Brabo cu Dr. Horacio Oduber blvd., mesora a dirigi tanto polis como ambulans na e sitio. Na yegada di e patruya a bin encontra cu 2 brommer y 2 motociclista benta riba caminda y ambos herida, un di nan tabata tin un brommer benta riba su man y tabata tin tur su cara na sanger y curpa tur rasca y tabata keha di dolor e otro tambe tabata herida pero no di e tanto ey. Polis a tarda basta rato pa saca afor ta con e accidente aki a sosode pero un cos si ta sigur ta cu ambos tabata bini di pariba y tin indicacion cu debi na un mal maniobra un a bay dal riba e otro. Ambulans a presenta y a transporta e victimanan pa hospital.

Share:

Leave a Reply

Your email address will not be published. Required fields are marked *