Diaranzon mainta a drenta informe di un accidente cu hende herida pazuid di e rotonde Santa Helenastraat, mesora a dirigi tanto polis como ambulans na e sitio. E prome informe a indica cu aki lo ta trata di un accidente entre un auto y un ciclista pero na yegada di e patruya a bin resulta cu joven studiante riba bais cu e cadena a los y e wiel a pega y esaki a benta e ciclista abao cu un golpi basta duro. E dama chauffeur cuba nota e joven benta riba caminda a para su auto riba e caminda pa auto no dal ni pasa riba e victima. Na yegada di e ambulans nan a atende e victima y a transporte pa hospital.
