Diamars mainta a drenta informe di un accidente cu hende herida, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Honda Civic kende pa colmo ta menor di edad y no tin rijbewijs biniendo cu velocidad halto a bay dal duro tras di e Nissan March su dilanti cual mester a para pa e auto su dilanti bira. E impacto tabata fuerte y un dama 7 luna na estado sinta patras a cuminsa haya poco dolor. Na yegada dibe ambulans nan a atende e dama pasahero y un mucha chikito cu tabata sinta patras. Ambos a ser atendi na e sitio mes y e dama na estado a ser conseha pa bay controla cerca su dokter pa cualkier eventualidad. Polis a hiba e chauffeur menor di edad na su cas na Papaya.
