Diadomingo mainta a drenta informe di cu tin 3 hende pata pata burachi den un auto drumi den auto den parkinglot di Palm Beach Plaza, mesora a dirigi un patruya na e sitio. Na yegada di e patruya a bin compronde cu aki ta trata di 3 persona bebi y cansa cual a haci bon pa para e auto y no sigui core pa trece trafico den peliger. Pa nan mesun seguridad polis a kita e yabi for di nan y a informa nan cu un hende bon na tino por pasa busca e yabi den oranan di dia. Mirando con cansa nan tabata nan a keda drumi den auto.
