Chauffeur bou influencia a perde control, baha caminda na man robez, bula kibra den veranda y drenta parcialmente den un camber unda tabata tin hende drumi y ta keda deteni.

Diasabra mainta tempran prome cu solo a sali a drenta informe di un accidente den Bernhardstraat unda un chauffeur bou influencia lo a casi drenta un cas, mesora a dirigi patruya na e sitio. Na yegada di e patruya na e sitio a bin constata cu enberdad un chauffeur bou influencia lo tabata bayendo velocidad halto den un bocht y a perde control, bay na man robez di caminda bula na e asera y drenta veranda di un cas kibrando muraya y bentana di un camber. Habitantenan a bula spanta di e desordo di e impacto y a bati alarma. Polis a detene e chauffeur bou influencia cu a causa e accidente y cu tabata basta fresko y no tabata comportando su mes normal y a transporte pa warda di polis Oranjestad. Takelwagen a keda pidi na e sitio pa asina por a saca e auto for di dilanti e cas.

Share:

Leave a Reply

Your email address will not be published.