Diahuebs merdia a drenta informe di molester di cantidad di musca y holor desagradable saliendo for di un cas bisiña na Ponton, mesora a dirigi un patruya na e sitio. Na yegada di e patruya a nota full e cas sera y ningun hende ta contesta, e agentenan a bula cura drenta paden y haya un fuerte holor desagradable y un gran cantidad di musca rond. A purba haya contacto cu e habitantenan y un familiar a bini na e sitio y a drenta paden y investiga kiko tabata e causa. A bin resulta cu aki ta trata di cuminda cu a daña y a putri. E familiar a keda di bay haci limpi.
