Diahuebs mainta a drenta informe di un accidente na e cruzada Van Leeuwenhoekstraat cu De La Sallestraat, mesora a dirigi un patruya na e sitio. Na yegada si e patruya a bin compronde cu e chauffeur di e Honda Pilot biniendo for di Van Leeuwenhoekstraat no a para pa duna preferencia na e Nissan Versa bayendo pariba den De La Sallestraat y esaki a pasa ranca e bumper di e Honda Pilot. Afortunadamente ningun hende a resulta herida.
