Diaranzon mainta a drenta informe di un accidente cu hemde herida na Sero Blanco, mesora a dirigi tanto polis como ambulans na e sitio. Na caminda pa e sitio a drenta otro informe di cu e chauffeur herida a bandona e sitio na pia lagando e auto atras. Na altura di Economic Center polis a logra topa e chauffeur herida sangrando profusamente for di un kap na su cabez y a solicita presencia di ambulans. Na yegada di e ambulans nan a atende e chauffeur y a transporte pa hospital.
