Diamars mainta a drenta informe di cu tin un homber tin un machete den man ta zwaai y e bisiñanan ta scondi den cas yen di temor na Sjabururi, mesora a dirigi varios patruya na e sitio. Na yegada di e patruyanan a nota e homber canado ronde di e cas den e cura unda su apartamento ta y ta mir’e ta cana cu e machete den man y a reconose como e persona cu problema di salud mental cu polis a atende cun’e y hasta a hib’e hospital pa tratamento e anochi prome. A bin resulta cu e anochi prome nan a receta e persona un medicamento cu e mester tuma mainta pero e no kier a tum’e y atrobe a bay fuera di control. POlis a usa un tactica pa saca esnan scondi via bentana y pone nan na un sitio sigur y despues a bay tras di e sospechoso. Ela purba cor’e pero toch mas patruya a yega y a logra captur’e. Nan a bay warda di polis cun’e y despues atrobe pa hospital.
