Diadomingo marduga na mes momento cu un auto a subi e rotonde Las Americas, dilanti di cas di cultura un dama chauffeur bou influencia a accidenta riba un vehiculo stationa. Aki e dama chauffeur a subi asera, dal un borchi di trafico, palo di lus y tambe un vehiculo Toyota Yaris stationa. Mesora polis a detene e dama chauffeur aki pa a causa e accidente como tambe pa ta coriendo auto bao influencia. Vehiculo di transporte a bini na e sitio pa asina por a transporta e dama chauffeur deteni pa warda di polis playa.
