Diasabra anochi a drenta informe di un caso unda un persona mester a ricibi un corta basta grandi na su brasa na rotonde Las Americas, mesora a dirigi diferente unidad na e sitio. Na yegada di patruya na e sitio a topa cu un turista cu un corta basta grandi na su brasa cu tabata sangrando hopi. Polis a brinda prome auxilio y a mara e herida sera pa esaki no sigui basha mas sanger. Polis a pidi ambulans pa bini cu urgencia na e sitio pa por a atende e turista cu corta na su man. Investigacion cu polis a hasi na e sitio a logra saca afo cu e turista aki lo a pasa su brasa dor di glas di porta kibrando esaki y cortando su brasa habri. Team technico y forensico di polis a bini na e sitio y a tuma imagen di e situacion pa asina por investiga con exactamente e incidente aki tuma lugar. Ambulans a transporta e turista herida pa hospital unda e lo ricibi tratamento pa e corta na su brasa.
