Bisiñanan alerto a yama avisa doño di cas cu tin un choller den su cura na San Barbola

Tabata den careda di 10’or di anochi cu 2 patruya di Polis a bai cu spoed direccion San Barbola 60-D unda supuestamente mester a descubri un choller den cura. Ora Polis a jega na e adres a bin compronde cu e incidente mes a pasa hopi mas prome den careda di 8’or di anochi. Segun informacion di esnan di e cas y bisiñanan, algun bisiña mucha homber hoben, a scucha desorden den cura di e adres menciona. A scucha un persona ta coba den toolbox di e mecanico di e adres. Ora e mucha homber hoben a bai wak a topa un persona color bruin den cura. Momento cu e persona a haya sa cu e a wordo descubri, e a hisa un pida palo cu e tabata tin cu ne y medio menasa e mucha homber. E persona aki a huy di e lugar despues. E straño ta cu Polis a wordo poni na altura den careda di 10’or di anochi y a kere cu e situacion tabata andando ainda. Polis a jega rapidamente pero despues a djies tuma datos, ja cu e situacion mes tabata di 8’or. E bisiñanan mes lo keda vigila e bario pa medio di un whatsapp group chat.

Leave a Reply

Your email address will not be published.