Diabierna atardi a drenta informe di un accidente cu hende herida na e crusada grandi na Palm Beach, mesora a dirigi patruya na e sitio. Na yegada di patruya na e sitio a bin constata cu aki ta trata di un accidente pa falta di preferencia. Aki chauffeur di un Honda C-RV a crusa sin duna preferencia na un Hyundai Accent blanco bayendo nort riba caminda grandi y a dal semi frontal den esaki. Ambulans a presenta na e sitio y a atende cu un mucha herida.
