Polis a duna boet na doño di un di e 3 cachonan cu a ataca y morde un peaton banda di Pacifico Dakota

Diaranzon mainta a drenta informe di cu 3 cacho a ataca y morde un peaton banda di Pacifico Dakota, mesora a dirigi un patruya na e sitio. Na yegada di e patruya a bin topa cu e victima cu tabata tin su carson kibra y tabata herida di e mordi di e 3 cachonan cu tabata riba caya. Polis a conseha e victima pa bay tuma hangua anti-tethanus mientras a bay na cas unda e cachonan ta pertenece. Eynan polis a haya un di e doñonan di un di e 3 cachonan y a hala su atencion indicando cu e cacho mester ta mara of den e cura sera di e cas. Ademas polis a dune un boet y a bis’e cu e como tambe e doño di e otro 2 cachonan lo mester bay cubri e gastonan medico di e victima y tambe e daño ocaciona na su paña.

Share:

Leave a Reply

Your email address will not be published. Required fields are marked *