Elmar ta sigui cu negligencia, awor un kabel di coriente a cay riba un hoben ciclista entrenando

Dialuna mainta mas o menos 8:43, a drenta informe di cu waya di coriente di palo di lus di Elmar a cay riba un hoben ciclista ya heride, mesora a dirigi tanto polis, ambulans como tambe Elmar na e sitio. Na yegada di e patruya a bin compronde cu e hoben haciendo su ehercicio cu su bicicleta manera tur mainta, coriendo riba Caya G.F. “Betico” Croes direccion rotonde (ex Marathon videos) dilanti percela 174, un kabel di coriente di ELMAR a kibra y cay riba dje. Un parti di e kabel a trose na su bicicleta y e otro parti a dale den su cara pa despues trose na su brasa y pia banda drechi. Bisiñanan cu a scucha gritonan di dolor, desesperacion y angustia a sali pafor y topa cu ne cu kabel trosi rond di su curpa. Ambulance y polis a jega basta lihe, pero ELMAR a jega prome pa kita e kabel cu tabata colga y benta riba caminda. For di bisiñanan a compronde cu nan a avisa ELMAR varios biaha di e kabel, cu tabata forma un peliger, pero tabata haya como contesta for di ELMAR cu e kabel no tin coriente riba dje y no mester preocupa. Pero na momento cu e cabel a kibra y cay riba e victima, door di e jobida y biento, e kabel tabata move y mishi cu otro kabelnan cu si tin coriente riba nan y asina e victima a ricibi shocknan di coriente y hasta por mira e marka di esaki riba su brasa drechi. Door di e shocknan di coriente ricibi, ela sera riba su lipnan te kapnan, parti paden y pafor. Su bicicleta tambe a ricibi varios daño. Un incidente cu por a termina fatal pa falta di negligencia, pero Danki Dios cu esaki no tabata e caso. ELMAR tabata ey prome cu Ambulance y polis na e sitio pa a desmantela e kabel.

Share:

Leave a Reply

Your email address will not be published. Required fields are marked *