Yiunan kedando cerca e tata cu ta cu un otro dama y e mama a bay regla cuenta cu e dama ey!
Diasabra atardi a drenta informe di cu 2 mucha menor di edad a saca cuchiu pa un dama cu a presenta na un cas na Paradera y a menasa cu nan tin arma di candela, mesora a dirigi un patruya na e sitio. Na yegada di e patruya a bin compronde cu aki ta trata di muchanan cu a saca cuchiu pa nan propio mama y e muchanan a papia di cu nan tin arma di candela paden tambe. E caso ta asina cu e mayornan a separa y e yiunan ta kedando cu e tata y e tata lo tin un otro pareha y e mama a bay busca e dama aki pa regla cuenta. E yiunan no ta aprecia cu e mama ta bay busca problema y a purba di bisa e mama pa e no bini eynan. E mama a saca un cuchiu y un di e yiunan a saca un cuchiu y a bisa pa e mama bay, pero e mama a persisiti cu e kier regla cuenta cu e dama. Ora cu polisnan a caba di papia cu e mama y a bay pa bati na e porta di cas pa papia cu e yiunan esakinan a sali via porta patras unda e rapid response team di polis a mira e movecion ey y a bay nan patras y a para nan poco pabao di e pompstation na Paradera. Polis a detene e 2 muchanan aki pa menasa cu arma di nan propio mama, e muchanan a bisa cu nan mama tambe tabata tin un sambechi y a saca esaki pa e muchanan. Na un dado momento e tata di e muchanan a yega na e sitio unda e muchanan tabata deteni cu boei na man y e tata a bay for di control pero polis a atende mesora cun’e y a splica e tata kiko ta pasando. E mama tambe a yega na e sitio ey y tabata tin poco tiramento di palabra. Polis a probecha di listra den e auto di e mama y a bin encontra cu e arma den e auto di e dama. Polis a detene e dama tambe y a bay warda cu nan tur pa atende e asunto na warda di polis.
