Diahuebs mainta a drenta informe di cu lo tini un equipo pisa cu ta obstaclulisando trafico na e crusada banda di Weng Kee na Piedra Plat, mesora a dirigi patruya na e sitio. Na yegada a bin encontra cu Grader 04 di D.O.W. para parcialmente riba caminda den e crusada. E chauffeur di esaki a declara cu e equipo a faya y ela hasi mas posibel pa a pone e Grader un banda. Polis a keda na e sitio cu zwaailicht sendi riba caminda debi na e caminda muha como tambe e obstaculo cu esaki a causa na e crusada. Mecanico di D.O.W. a bini na e sitio pa asina por wak kiko por hasi pa por logra pone e Grader por core bek pa e por sigui move y no blokea e crusada.
