Diaranzon atardi a drenta informe di un accidente cu hende herida riba Sasakiweg pariba di ex-House of Cheng, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un dama manehando un Kia Picanto bayendo nort cu velocidad halto a perde control na e birada y a bay dal riba e barancanan canto di caminda. Debi na e impacto ela haya un kap na cabez y ta herida. Na yegada di e ambulans nan a atende e victima y a transporte pa hospital.
