Net despues di mey anochi polis tabata ocupa cu un control na e cruzada Adriaan Lacle blvd. cu L.G. Smith blvd. y na dado momento ta yegando un Toyota Altezza blauw biña cu ta zona duro y polis a bay purba par’e pero e chauffeur ta manda e auto y dal e agente benta abao te spart e celular di e agente policial e otro colega a tuma e number di auto y a avisa central di polis di lo susedido asina mes herida e agente a lanta y a bay tras di e auto. E chauffeur a tuma direccion Dakota, Sabana Blanco y a perde for di bista na altura di Pacifico Dakota. Como cu tin e number di auto a haya sa unda esaki ta registra y a bay na e cas na Tamarijn pero no a encontre mientras a avisa tur patruya pa ta alerta y tira bista riba e auto aki para esaki y detene e chauffeur. Un rato despues e agente policial a cuminsa sinti hopi dolornan fuerte te cu un patruya mester a hib’e hospital cu urgencia unda eynan e ta ser atendi y revisa lesionnan ricibi.
