Diabierna mainta a drenta informe di un accidente unda un auto a dal borchi di trafico y palo di luz banda di Plaza Libertador Betico Croes den Zepp Lampestraat y cu esaki ta bezig ta buy, mesora a dirigi patruya na e sitio. Na yegada di patruya na e sitio a bin encontra cu un borchi di trafico kibra como tambe un palo di luz cu sla riba dje. Polis a ricibi informe di cu e auto aki lo ta moviendo den serkania y dibiaha a start un buskeda pe. A encontra e auto como tambe e chauffeur y a detene pa a comete un accidente hit and run. Polis a confisca e vehiculo tambe y hiba esaki warda di Balashi.
