Domino ta sigui DOMINA y TEAM SNOR TA ATACA!

Calabas/Kudawecha – E inkt ariba papel un caba di seca, cu ya TEAM SNOR ta den atake total! Contract estilo MOU a wordo firma e siman aki entre TEAM SNOR, guia p’e “beruchte” Snor Perez PhD MoD, y e trabuconan di TEAM BOU PALO, guia pa nada menos c’un tal Gibi!

Shonnan, e unico Domino Square Garden na mundo, lo ta epicentro atrobe di un otro temblor den mundo di domino. Diasabra awor, 15 di augustus, cuminsando pa  7’or di anochi en punto(!), e embahador di China aki na Aruba, esta Han, lo tene otro candeloso encuentro di domino entre dos teamnan rival di TEAM SNOR y TEAM BOU PALO.

Nos tin entendi cu ta net “rond” di fecha di hacimento di aña di “Snor” Perez e wega aki lo tuma luga, y si ta asina manera e rumornan ta core rond, ta hopi lo grita “hoy sebebe, mañana se debe!” Snor ta conoci pa su teorianan den domino estilo matematica avansa: Bo tabata sa cu si bo lanta cu 5 piedra di 6 den bo man, di cual un di nan ta 6-y-5, pero bo tin 1-y-blanco tambe den bo man, segun Snor, bo mester sali e ora cu e 1-y-blanco pa bo tin chens pa gana e wega? Bo no tabata sa? Wel shonnan, diasabra awor bin presencia e “workshap” di Don Snor pa bo hisa bo “domino skills to the next level”! Lesnan ta cuminsa diasabra awor 15 di augustus 2021, pa 7’or di anochi en punto(!), n’e unico Domino Square Garden na mundo, 99 Bar & Restaurant na Calabas.

Share:

Leave a Reply

Your email address will not be published. Required fields are marked *