Diabierna atardi a drenta informe di un accidente cu hende herida banda di Natural Bridge, mesora a dirigi tanto polis como ambulans na e sitio. Na yegada di e patruya a bin compronde cu e turistanan lo a bay haci un maniobra peligroso y a perde control y balans di e UTV y esaki a kentel bay den banda y bay cay den un bahada hopi stijl y a resulta herida. Na yegada di e ambulans a nota cu e 2 turistanan a resulta levemente herida pero mester ayudo di e equido di rescate di bomber pa asina saca e hendenan for di e bahada eynan y tresenan ariba. Na yegada di e bomberonan nan a logra trese e victimanan ariba y ambulans a transporta ambos victim pa hospital.
