Diadomingo marduga a drenta informe di un accidente cu hende herida na e crusada van Leeuwenhoekstraat cu J.G. Emanstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un pickup bini3ndo velocidad halto den J.G. Emanstraat a bay subi van Leeuwenhoekstraat. E velocidad cual e pickup tabata bini tabata asina duro causando cu esaki a slip bay dal frontal riba un Toyota Tercel cu tabata bayendo pabao den van Leeuwenhoekstraat. E impacto tabata basta fuerte y a causa cu e dama chauffeur di e Tercel a resulta herida. Ambulans a presenta na e sitio y a atende cu e herido.
