Polis a confisca vehiculo extremadamente ilegal y peligroso di Extreme Tours Aruba

Diabierna mainta un oficial di polis hunto cu un inspector di D.T.I. a bay dilanti Compleho Deportivo Frans Figaroa pa wak un vehiculo cu no ta cumpli cu ningun di e exigencianan pa seguridad den trafico y e turistanan cu subi den e tour truck aki. Despues di a delibera cu e inspector di D.T.I. polis a confisca e vehiculo y a solicita presencia di un takelwagen pa hiba esaki na warda di polis na Balashi. Net mientras tabata warda e takelwagen e doño a presenta pa asina drecha e desperfecto y bay cu e vehiculo for di eynan, pero polis a splik’e cu e vehiculo ta ilegal y no ta cumpli cu e exigencianan di pa seguridad y cu a confisca esaki. Den e dianan aki cu ta sigui polisnan lo bay ta tene mas control riba e Quadracer, U.T.V. A.T.V. y otro vehiculonan di tour.

hi

Share:

Leave a Reply

Your email address will not be published.