Dama chauffeur coriendo cu velocidad halto a baha caminda dal un pilar diki kibra meter di awa y keda pega den auto

E bomberonan tabata tin hopi trabao pa saca e dama for di e auto

Diamars madruga a drenta informe di un accidente basta pisa cu hende herida y pega den auto na Sabana Liber, mesora a dirigi tanto polis, ambulans como tambe e equipo di rescate di bombero na e sitio. Na yegada di e patruya a bin compronde cu e dama coriendo cu velocidad halto den un Nissan Teana pa un motibo of otro a baha caminda y a bay dal contra un pilar masha diki mes di un cura di cas scheur e muraya dal meter di awa kibra tambe. Debi na e fuerte impacto e dama a resulta herida y a keda pega den e auto y no por a sali. Despues di basta cortamento, rancamento, pushamento y hasta trapamento a logra habri e auto pa asina logra saca e dama chauffeur herida for di e auto.

Share:

Leave a Reply

Your email address will not be published.