Dialuna atardi a drenta informe di un accidente cu hende herida panort di Dakota Shopping Paradise den Avenida milio Croes, mesora a dirigi tanto polis como ambulans na e sitio. Na yegada di e patruya ya caba ambulans tabata na e sitio. Locual a sosode ta cu un dama coriendo den un Hyundai Eon a bay haci un maniobra pero no a duna preferencia na Honda Fit y esaki a bin dal riba dje. Tanto e dama chauffeur di e Eon como tambe un mucha pasahero den e Fit a resulta herida. Ambulans cu a presenta a atende e victimanan.
