Diahuebs atardi a drenta informe di cu un homber di 75 aña a sali pa bay cana den mondi y ainda no a regresa su cas na Balashi, mesora a dirigi un patruya na e sitio. Na yegada di e patruya a bin compronde cu e homber tin un bodyshirt blauw scur cu licht geel aden, jeans, keds preto di Nike e homber ta pelon cu un rabo su tras. Central di polis a percura pa e helicopter tambe sali yuda buska den e area. E famia kiermeen cu e homber a bay drenta e rooi banda di e sanctuario di burico. Mientras tanto e patruya a bay na e parti final di e rooi cu ta bay caba banda di Wela ney. Mas of menos 20 minuut despues e helicopter a yega y a inicia cu buskeda. Algun minuut despues e helicopter a señala un hende drumi riba suela y tabata cuadra cu e descripcion duna. A solicita presencia di ambulans y di bombero na e sitio. Nan a yega cerca y a haya e homber perdi nan a rescate sake for di mondi y hib’e hospital den e ambulans pa ricibi atencion medico y un revision general. Bon trabao y actuacion rapido a duna su fruto pa asina haya e persona rapidamente.
