Diahuebs mainta a drenta informe di cu tin un hoben maltratando un homber di edad na e pompstation na Santa Cruz, mesora a dirigi un patruya na e sitio. Na yegada di e patruya a bin compronde cu esnan envolvi lo a bandona e sitio caba. Ta trata aki di un hoben den un Mitsubishi Lancer cu lo a baha bay acerca un homber di edad den un Nissan Sentra y a agredi e pober homber aki lague herida y despues a bandona e sitio. Polis a logra haya number di ambos auto y a bay na ambos adres unda na un di nan a bin haya e victima herida. Polis a keda di pasa cerca e agresor cu no tabata na su cas.

•