Diaranzon anochi a tuma lugar e eleccion pa un presidente nobo pa Arubaase Voetbal Bond na Centro di Bario Piedra Plat, cu un apoyo abrumador Sr. Randolf Laclé a keda elegi pa e clubnan como Presidente. Randolf Laclé tin un experiencia hopi grandi den e mundo di voetbal, nacional y internacional. Randolf a keda elegi cu un total di 29 di e 50 votonan emiti, mientras e presidente saliente Sr. Richard Dijkhoff a ricibi unicamente 16 voto cual no ta ni sikiera un tercera parti mientras Jeff Lopez a haya un voto so y e ultimo Kurt Thomas cu 0 voto. awe24.com ta extende felicitacion na Sr. Randolf Lacle y ta desea su persona hopi exito den su encargo nobo di presidente, nos ta sigur cu e si lo sa di brinda lo mehor pa e deporte Rey FUTBOL. EXITO! Ademas di su eleccion nos ta yama bonbini na 2 miembro nobo cual nan ta Geetangely Khemlani y tambe Howard Hart.
