Diamars mainta a drenta informe di cu un turista cu un ora prome a bira victima di kiebro y ladronicia for di su auto di huur na e ruina di Bushiribana a bay na e compania di auto di huur y a denuncia cu nan a kibra den su auto y a horta su pertenencianan. Pa puro suerte net na e momentonan ey cu polis tabata papiando cu e turista, e turista a ricibi informacion cu su carchi horta ta siendo usa na e momentonan ey na Alex Barbershop den Caya G. F. (Betico) Croes, mesora a dirigi un patruya na e sitio y a haya e sospechoso cu e carchi di e turista y otro carchinan mas. Polis a detene e sospechoso y a bay cun’e na warda di polis pa mas investigacion.
