Diasabra mainta a drenta informe di un accidente cu hende herida na Moko, mesora a dirigi tanto polis como ambulans na e sitio. Na yegada di e patruya a bin compronde cu e chauffeur lo a pega na soño y a bay dal riba un pilar di e cura di un cas kibra esaki. E impacto tabata fuerte y e chauffeur a resulta herida. Na yegada di e ambulans nan a atende e victima y a transporte pa hospital. Despues di un rato a solicita presencia di e oficialnan di trafico y tambe e investigadornan technico y forensyco pa bini na e sitio pa investiga e accidente aki.
