Minister Xiomara Maduro tabata cerca e hobennan di klas 3 di La Salle College den cuadro di e proyecto ‘Good to Great

ORANJESTAD – Diabierna Minister di Finansa, Asuntonan Economico y Cultura tabata serca e hobennan di klas 3 di La Salle College MAVO cu tabata di bishita na Departamento Economico den cuadro di e proyecto ‘Good to Great’.

E proyecto Good To Great ta un proyecto pa hoben caminda nan ta haya sa kico ta nan ambicion y nan pashon cual ta yudanan den scoge nan carera den futuro. E dignatario a pasa un rato ameno den cual e mandatario a comparti algun anecdota di su tempo como studiante na Aruba y na Hulanda. Minister Maduro a contesta tambe e preguntanan di e hobennan cu kier tabata sa mas di e trabou, responsabilidad y motivacion pa ta un politico y un Minister. E mandatario a laga e hobennan cu un mensahe positivo cu den bida nos por yega mes lew cu nos mente por imagina y nos curason dicta nos. Minister Maduro Palabra a gradici Jalken Antonia y Terry Gumbs pa e rato cu ela comparti cu e hobennan di La Salle College MAVO.



Share:

Leave a Reply

Your email address will not be published.