ATENCION Actualmente tin interupcion di coriente den diferente bario, causa pa un fayo den planta di coriente na WEB. Ta bezig ta averigua e causa y na e momento aki no por bisa ainda cuanto lo dura pa recupera suministro di coriente. Asina cu tin mas informacion lo duna update via nos medionan social. Sea sigura cu nos tecniconan ta haci lo maximo pa limita e duracion di interupcion di coriente. Nos disculpa pa e inconveniencia. #NVElmar E areanan afecta pa e interupcion di coriente causa pa un fayo den planta di coriente di WEB ta Oranjestad, Tanki Leendert y Sabana Blanco.

UPDATE: A logra identifica y isola e fayo y a cuminsa e proceso di recuperacion. Ta calcula cu lo dura mas o menos 1 ora pa recupera suministro di coriente den e diferente barionan.

UPDATE: A sosode fayonan di nobo cual a conduci na un total BLACK OUT riba nos isla. No ta conoci cuanto lo dura pa recupera. Ta pone tur prioridad pa soluciona e fayo y interupcion. Keda pendiente…

UPDATE 20:13: A logra establece coriente na planta di WEB mes. Esey ta un progreso den henter e proceso. Sinembargo no por calcula ainda cuanto mas lo dura pa recupera. Ta gradici pa e pasenshi y comprension.

UPDATE 20:38: A logra inicia e prome reconexion di coriente. Bayendo den bon direccion!

UPDATE 21:39: E proceso di recuperacion di suministro di coriente ta sigui paso pa paso y cu cautela. Area di hospital, Santa Cruz y besindario a haya coriente.

UPDATE 22:29: Barionan di Tanki Leendert y Noord a haya coriente…

UPDATE 23:55: Ainda algun issues cu ta stroba recupercaion total. Falta entre otro barionan di Paradera, Savaneta, San Nicolas….

UPDATE 02:42 ta verwacht cu lo dura mas o menos un 1 ora mas pa tur bario tin coriente.