Accidente cu basta daño material cu 3 vehiculo envolvi na e cruzada Emmastraat/ Prof. Lorentzstraat

Diasabr mainta a drenta informe di un accidente cu hende herida na e cruzada Emmastraat/ Prof. Lorentzstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un Hyundai Accent maneha pa un dama turista bayendo zuid den Emmastraat no a para pa duna preferencia y a bay dal riba un pick-up K2700 bayendo pariba den Profesor Lorentzstraat, e impacto aki a desvia e pick-up mande bay na banda robez di caminda dal un Nissan March di direccion contrario. Debi na e impactonan aki e tanto e dama chauffeur como e dama pasahero a resulta levemente herida mescos tambe e dama chauffeur di e Nissan March. Na yegada di e ambulans nan a atende e victimanan di e accidente na e sitio mes. Mientras e chauffeur di e pick-up a bandona e sitio debi na susto.

Share:

Leave a Reply

Your email address will not be published.