ORANJESTAD – 21 di juni 2021 – Diasabra mainta Compleho Deportivo Guillermo Prospero Trinidad y Entertainment Center tawata e cede di e Olympic Day Run 2021.
Instituto Biba Saludabel y Activo (IBiSA), COA conhuntamente cu Aruba Bank a organisa e evento cu diferente actividad deportivo en conexion cu e celebracion anual di Olympic Day 2021.
Un total di 500 mucha a core y cana distancianan di 1-2-3 kilometer y a participa den diferente “heat” pa asina por a saca e miho tempo overall di e prome 3 luga den e categorianan di edad pa tanto mucha muhe como mucha homber.
Desde oranan trempan muchanan y hende grandi por a presenta pa asina cana y core pasando un rato agradabel.
Riba programa despues di e competencia a sigui “Meet the Top Athletes”, unda tabatin demostracion di diferente deporte.
Aruba Bank ta gradici cada mucha y mayor cu a trece nan yiu(nan) na e Olympic Day Run 2021. Tambe na IBiSA y boluntarionan cu a yuda haci e dia aki uno inolvidabel pa tur mucha por a disfruta di esaki.
