Accidente cu hende herida y pega den auto na e cruzada di Pos Abao cu Caya Musica.

Diabierna atardi a drenta informe di un accidente cu hende herida y pega den auto na e cruzada di caya musica cu Pos Abao. Mesora a digiri tanto polis como ambulans y tambe equipo di rescate di bombero na e sitio. Na e yegada di e patruya a bin compronde cu aki ta trata di un accidente unda un chauffeur di e Honda Fit a subi caminda sin a duna preferencia na e Nissan March cu tabata biniendo di pariba. Esaki a bin dal den e Honda Fit manda e Honda Fit bai cay den e greppel y e dama chauffeur a keda pega den e vehiculo, mientras den e Nissan March tambe tabata tin dos pasahero y un chauffeur y cual nan tambe a resulta herida. Na e yegada di ambulans a atende cu e victimanan mientras nan tabata spera riba e equipo di rescate pa habri e auto pa asina logra saca e otro victima den e Honda Fit. Despues di basta trabao y ayudo di equipo di rescate a logra saca e victima y asina ambulans a transporta cuatro victima pa hospital cu e tres ambulans cu a bin na e sitio.

Share:

Leave a Reply

Your email address will not be published. Required fields are marked *