Homber mericano a joyride ambulans cu un personal na e cabina parti patras.

Diadomingo anochi a drenta informe di un caso di joyriding di un ambulans for di e post di Wayaca, mesora a dirigi patruyanan na e sitio. Na caminda pa e sitio a drenta informe di cu tin un personal di ambulans cu ta den e cabina patras y cu e ambulans a pasra banda di e supermercado na Wayaca. E sospechoso mes a baha bay na pia lagando e ambulans atras, e sospechoso a bula drenta cura di un compleho di apartamento. Mesora a inicia un buskeda den e area. Locual a sosode e ambulans tabata prepara pa sali bay brinda un asistencia y pesey tabata tin un personal den e cabina patras preparando e equipo. Polis a haya e descripcion di e sospechoso y a reparti esaki pa e demas patruyanan den e area.

Share:

Leave a Reply

Your email address will not be published.