Turista americano “halto halto” droga cu “hopi” di placa a drenta dam di Moko

Diaranzon mainta a drenta informe di cu tin un persona cu menos bon intencion banda di e dam di Moko, mesora a dirigi un patruya na e sitio. Na yegada di e patruya un ciudadano a bisa polis cu na Seroe Janchi ela mira un turista burachi canando bayendo direccion pariba y di buena fe ela para pa ofrec’e un lift. E turista a bisa cu e ta bayendo airport y a lague subi den auto, e homber tabata tin bastante placa cun’e y e turista a ofrece 400 US$ pero e ciudadano a nenga y a bis’e cu no e ta dun’e un simpel lift. Djey e turista a cuminza mishi y a pasa man pa e celular di e ciudadano y kier a haci doño di dje. E ciudadano no a confia e asunto y a para pa e homber baha. Ora cu e turista a baha y a tuma e direccion pa e dam e ciudadano a sinti’e obliga di evita lo peor y mas aun teniendo cuenta cu e turista ta bao influencia di substancianan a bati alarma. Polis a yega mesora net ora e turista a drenta e dam y a keda tur na lodo polis a logra sak’e y a pidi e vehiculo di transporte pa hib’e na warda di polis.

Share:

Leave a Reply

Your email address will not be published. Required fields are marked *