Damita menor di edad a coy yabi di e auto di su mama, probechando cu su mama ta malo y a bay accidenta cu e auto riba un palo di lus

Diasabra atardi a drenta informe di cu tin un accidente unda un auto a dal riba un palo di lus na Washington, mesora a dirigi un patruya na e sitio. Na yegada di e patruya a bin compronde cu un damita menor di edad a probecha cu su mama ta malo drumi riba cama y a pasa man pa e yabi di e auto y a bay core cun’e te cu nan a accidenta cu e auto riba un palo di lus cerca di e cas. E palo di lus a kibra mientras e auto a keda na werki. Polis a detene e damita cu a coy e yabi di e auto di su mama y a bay core cu esaki ocasionando un accidente. Afortunadamente ningun hende a resulta herida. Coriente a bay na algun cas den cercania.

Share:

Leave a Reply

Your email address will not be published. Required fields are marked *