Diasabra atardi a drenta informe di un accidente cu hende herida na e cruzada Emmastraat cu J.G. Emanstraat, mesora a dirigi tanto polis como ambulans na e sitio. Na yegada di e patruya a bin topa cu ambulans caba na e sitio cu tabata atendiendo un victima levemente herida. Locual a sosode ta cu e Ford Figo auto di huur bayendo zuid den Emmastraat no a para duna preferencia na e Toyota Yaris cu tabata bini di pabao y nan a dal fuertemente. Debi na e impacto un persona a resulta levemente herida pero a ser atendi pa ambulans na e sitio mes.
