E homber tabata lomba afo dilanti parlamento y e muher tabata pata pata tur saca den bikini na Renaissance
Dialuna anochi a drenta informe di cu tin un turista ta lomba sunu canando pariba pabao dilanti parlamento y lo ta bao influencia di un of otro substancia y gritando tur hende, mesora a dirigi un patruya na e sitio. Na yegada di e patruya a bin topa cu e turista aki y a atende cun’e y enberdad e ta pata pata te cu e ni ta corda na cual hotel e ta hospedando, na e momentonan ey un trahador di Renaissance a indica cu e pareha di e turista ey ta pata pata tambe y cu e dama ta drumi tur saca na Renaissance ademas cu e pareha ta hospedando na Riu. Polis a detene e homber y a hib’e warda di polis na Oranjestad y despues a bay atende cu e dama na Renaissance. Na yegada di e patruya na Renaissance nan a nota cu e dama tambe ta pata pata. Mirando cu nan situacion polis a fix un honeymoon sweet pa nan den e area separa.
